ന്യൂഡൽഹി: രാജ്യത്തെ യുവാക്കളുടെ ക്ഷേമത്തിനും അവരുടെ തിളക്കമാർന്ന ഭാവിക്കുമാണ് നരേന്ദ്ര മോദി സർക്കാർ ഏറ്റവും ഉയർന്ന പരിഗണന നൽകുന്നതെന്ന് കേന്ദ്ര ആഭ്യന്തര മന്ത്രി അമിത് ഷാ. ചോദ്യപേപ്പർ ചോർച്ച കേസുകളിൽ അതിവേഗ വിചാരണ ഉറപ്പാക്കാൻ ഫാസ്റ്റ് ട്രാക്ക് കോടതികൾ സ്ഥാപിക്കാനുള്ള പ്രധാനമന്ത്രിയുടെ തീരുമാനം ഈ പ്രതിബദ്ധതയുടെ വ്യക്തമായ തെളിവാണെന്ന് അദ്ദേഹം എക്സിൽ (X) കുറിച്ചു.
ചോദ്യപേപ്പർ ചോർത്തി യുവാക്കളുടെ ഭാവിവെച്ച് കളിക്കുന്ന കുറ്റവാളികൾക്കെതിരെ വിട്ടുവീഴ്ചയില്ലാത്ത നടപടിയുണ്ടാകുമെന്നും അമിത് ഷാ കൂട്ടിച്ചേർത്തു.
