തൃശൂർ : തൃശൂർ മണ്ണുത്തിയിലെ മയൂര ബാറിൽ 17 വയസ്സുകാരന് മദ്യം നൽകിയ സംഭവത്തിൽ ബാറുടമയ്ക്കെതിരെ മണ്ണുത്തി പോലീസ് കേസെടുത്തു.
ബാറിലുണ്ടായ അടിപിടിയെ തുടർന്ന് പോലീസെത്തി പിടികൂടി ചോദ്യം ചെയ്തപ്പോഴാണ് കുട്ടിക്ക് പ്രായപൂർത്തിയായിട്ടില്ലെന്ന വിവരം പുറത്തുവന്നത്.
തുടർന്ന് കുട്ടിയുടെ അമ്മ നൽകിയ പരാതിയുടെ അടിസ്ഥാനത്തിൽ പോലീസ് കേസ് രജിസ്റ്റർ ചെയ്യുകയും സംഭവത്തിൽ കൂടുതൽ അന്വേഷണങ്ങളിലേക്കും തുടർനടപടികളിലേക്കും കടക്കുകയും ചെയ്തു.
