കൊൽക്കത്ത: ലോകത്തിന്റെ മെച്ചപ്പെട്ട ഭാവിക്ക് യോഗ അനിവാര്യമെന്ന് പ്രധാനമന്ത്രി നരേന്ദ്ര മോദി. അന്താരാഷ്ട്ര യോഗ ദിനത്തോടനുബന്ധിച്ച് പശ്ചിമ ബംഗാളിലെ കൊൽക്കത്ത റെഡ് റോഡിൽ സംഘടിപ്പിച്ച വിപുലമായ ചടങ്ങിൽ ജനങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
യോഗ കേവലം ഒരു ദിവസത്തെ ആഘോഷമായി ഒതുക്കരുതെന്നും, മെച്ചപ്പെട്ട ആരോഗ്യത്തിനായി വർഷം മുഴുവൻ അത് ജീവിതചര്യയുടെ ഭാഗമാക്കണമെന്നും പ്രധാനമന്ത്രി ആഹ്വാനം ചെയ്തു.
‘ആരോഗ്യകരമായ വാർദ്ധക്യത്തിന് യോഗ’ (Yoga for healthy ageing) എന്നതായിരുന്നു ഈ വർഷത്തെ യോഗ ദിന പ്രമേയം. യോഗ പ്രായമായവർക്ക് മാത്രമല്ല, എല്ലാ പ്രായക്കാർക്കും വേണ്ടിയുള്ളതാണെന്ന് അദ്ദേഹം വ്യക്തമാക്കി. പ്രായം കൂടുന്നതിനനുസരിച്ച് മനുഷ്യന്റെ ശാരീരിക-മാനസിക കഴിവുകൾ കുറയാതിരിക്കാൻ യോഗ സഹായിക്കും.
കൊൽക്കത്ത റെഡ് റോഡിൽ നടന്ന പ്രൗഢഗംഭീരമായ ഈ ചടങ്ങിൽ പ്രധാനമന്ത്രിക്കൊപ്പം പശ്ചിമ ബംഗാൾ ഗവർണർ ആർ.എൻ. രവി, മുഖ്യമന്ത്രി സുവേന്ദു അധികാരി എന്നിവരും പങ്കെടുത്തു.
