തിരുവനന്തപുരം: സംസ്ഥാന പൊലീസിനെ കൂടുതൽ ആധുനികവത്കരിക്കുന്നതിൻ്റെ ഭാഗമായി മൂന്ന് സുപ്രധാന പദ്ധതികൾക്ക് ആഭ്യന്തരമന്ത്രി രമേശ് ചെന്നിത്തല തുടക്കം കുറിച്ചു.
റോഡപകടങ്ങൾ കുറയ്ക്കുന്നതിനുള്ള ‘എ.ഐ. ട്രാക്ക്’ (AI Track), പൊലീസ് സേവനങ്ങൾ കാര്യക്ഷമമാക്കുന്നതിനുള്ള ‘ഇന്റഗ്രേറ്റഡ് ബീറ്റ് മാനേജ്മെന്റ് സിസ്റ്റം’ (Integrated Beat Management System), സൈബർ തട്ടിപ്പുകൾ തടയുന്നതിനുള്ള ‘സൈബർ വാൾ’ (Cyber Wall) എന്നിവയാണ് മന്ത്രി ഉദ്ഘാടനം ചെയ്തത്.
സംസ്ഥാന സർക്കാരിന്റെ നൂറിന പരിപാടികളുടെ ഭാഗമായി ആഭ്യന്തര വകുപ്പ് നടപ്പാക്കുന്ന പദ്ധതികളുടെ തുടർച്ചയായാണ് ഈ പുതിയ സംവിധാനങ്ങൾ നിലവിൽ വന്നതെന്ന് വാർത്താസമ്മേളനത്തിൽ മന്ത്രി വ്യക്തമാക്കി. ജനങ്ങൾക്ക് കൂടുതൽ വേഗത്തിലും സുതാര്യമായും പൊലീസ് സേവനങ്ങൾ ലഭ്യമാക്കുകയാണ് ഇതിലൂടെ ലക്ഷ്യമിടുന്നത്.
