ടെക്സസ്: ഫിഫ ലോകകപ്പിന്റെ ആവേശകരമായ സെമി ഫൈനലിൽ മുൻ ചാമ്പ്യന്മാരായ ഫ്രാൻസിനെ എതിരില്ലാത്ത രണ്ട് ഗോളുകൾക്ക് തകർത്ത് സ്പെയിൻ ഫൈനലിൽ പ്രവേശിച്ചു.
തകർപ്പൻ ഫോമിലുള്ള മിക്കേൽ ഒയാർസബാൽ, പെഡ്രോ പോറോ എന്നിവരാണ് ലാ റോജകൾക്കായി വലകുലുക്കിയത്. തുടർച്ചയായ മൂന്നാം ലോകകപ്പ് ഫൈനൽ ലക്ഷ്യമിട്ടിറങ്ങിയ ഫ്രാൻസിന്റെ സ്വപ്നങ്ങളെ തച്ചുടച്ചാണ് സ്പെയിൻ കലാശപ്പോരാട്ടത്തിന് യോഗ്യത നേടിയത്.
ടെക്സസിലെ എ ടി & ടി സ്റ്റേഡിയത്തിൽ നടന്ന മത്സരത്തിന്റെ ആദ്യ മിനിറ്റുകളിൽ ഫ്രാൻസ് ആക്രമിച്ചു കളിച്ചെങ്കിലും മത്സരത്തിൽ ആദ്യ ലീഡെടുത്തത് സ്പെയിൻ ആയിരുന്നു. ഈ ലോകകപ്പിൽ ഒയാർസബാലിന്റെ അഞ്ചാം ഗോളായിരുന്നു ഇത്. ഈ ടൂർണമെന്റിൽ ആദ്യമായി ഫ്രാൻസ് ഒരു മത്സരത്തിൽ പിന്നിലാകുന്നത് ഈ നിമിഷത്തിലായിരുന്നു.
രണ്ടാം പകുതിയിൽ ഫ്രാൻസ് തിരിച്ചടിക്കാൻ കടുത്ത ശ്രമങ്ങൾ നടത്തുന്നതിനിടെ പെഡ്രോ പോറോയിലൂടെ സ്പെയിൻ തങ്ങളുടെ ലീഡുയർത്തി. 58-ാം മിനിറ്റിൽ ഡാനി ഓൽമോ നൽകിയ മനോഹരമായ പാസ് കൃത്യമായി ലക്ഷ്യത്തിലെത്തിച്ചാണ് പോറോ സ്പെയിനിന്റെ വിജയം ഉറപ്പാക്കിയത്.
2010-ൽ ലോകകിരീടം ചൂടിയതിന് ശേഷം ആദ്യമായാണ് സ്പെയിൻ ലോകകപ്പിന്റെ ഫൈനലിൽ എത്തുന്നത്. ഇന്ന് നടക്കുന്ന അർജന്റീന – ഇംഗ്ലണ്ട് മത്സരത്തിലെ വിജയികളാകും ഫൈനലിൽ സ്പെയിനിന്റെ എതിരാളികൾ.
