കാഠ്മണ്ഡു: നേപ്പാൾ-ടിബറ്റ് അതിർത്തിയിലെ തടാകം തകർന്നതിനെ തുടർന്ന് മേഖലയിൽ വീണ്ടും പ്രളയസാധ്യത. അപകടസാധ്യത മുന്നിൽക്കണ്ട്, നിലവിൽ ദുരിതാശ്വാസ-രക്ഷാപ്രവർത്തനങ്ങളിൽ ഏർപ്പെട്ടിരിക്കുന്ന സുരക്ഷാസേനാംഗങ്ങളോടും സന്നദ്ധപ്രവർത്തകരോടും അടിയന്തരമായി ജാഗ്രത പാലിക്കാനും സുരക്ഷിതമായ സ്ഥാനങ്ങളിലേക്ക് മാറിനിൽക്കാനും നേപ്പാൾ പോലീസ് അഭ്യർഥിച്ചു.
രണ്ടുദിവസം മുൻപ് നേപ്പാളിലുണ്ടായ മിന്നൽ പ്രളയത്തിൽ ജീവൻ നഷ്ടപ്പെട്ടവരുടെ എണ്ണം 469 ആയി ഉയർന്നിട്ടുണ്ട്. നേപ്പാളിലും ടിബറ്റിലുമായി 1,500-ൽ അധികം ആളുകളെ ഇനിയും കണ്ടെത്താനുണ്ട്. മിന്നൽ പ്രളയം വിതച്ച വൻ നാശനഷ്ടങ്ങൾക്ക് പിന്നാലെയാണ് അതിർത്തിയിലെ തടാകം തകർന്ന് പുതിയ ഭീഷണി ഉയർന്നിരിക്കുന്നത്
വീണ്ടും പ്രളയമുണ്ടാകാനുള്ള സാധ്യത വിലയിരുത്തുന്നതിനായി ഭോട്ടെ കോശി (Bhotekoshi) നദീപരിസരത്തേക്ക് നേപ്പാൾ സൈന്യം പ്രത്യേക അന്വേഷണ സംഘത്തെ അയച്ചതായി വാർത്താ ഏജൻസിയായ എ.പി (AP) റിപ്പോർട്ട് ചെയ്യുന്നു.
