ന്യൂഡൽഹി: പൊതുപരീക്ഷ ഭേദഗതി ബില്ലിന്മേലുള്ള നിർണായക ചർച്ച ഇന്ന് ലോക്സഭയിൽ നടക്കും. വിഷയത്തിൽ ആറ് മണിക്കൂറാണ് ചർച്ചയ്ക്കായി നീക്കിവച്ചിരിക്കുന്നത്.
കടുത്ത പ്രതിപക്ഷ പ്രതിഷേധത്തെത്തുടർന്ന് കഴിഞ്ഞ ദിവസം നടപടികൾ തടസ്സപ്പെട്ടിരുന്നെങ്കിലും, ഇന്നത്തെ ചർച്ചയുമായി സഹകരിക്കാമെന്ന നിലപാടിലാണ് പ്രതിപക്ഷ പാർട്ടികൾ.
ഡൽഹിയിൽ ജന്തർ മന്തറിൽ പ്രക്ഷോഭം നടത്തിയ വിദ്യാർഥികൾക്കു നേരെ നടന്ന പൊലീസ് നടപടിയിലും അതിക്രമങ്ങളിലും കേന്ദ്ര ആഭ്യന്തര മന്ത്രി അമിത് ഷാ സഭയിൽ മറുപടി നൽകണമെന്ന് ആവശ്യപ്പെട്ടായിരുന്നു കഴിഞ്ഞ ദിവസം പ്രതിപക്ഷം പ്രതിഷേധമുയർത്തിയത്. തുടർന്ന് സഭയിൽ വലിയ തോതിലുള്ള ബഹളവും സ്തംഭനവും ഉടലെടുക്കുകയായിരുന്നു.
