തിരുവനന്തപുരം: സംസ്ഥാനത്തെ കാലവർഷക്കെടുതി വിലയിരുത്താൻ അടിയന്തര യോഗം ചേർന്നതായും സ്ഥിതിഗതികൾ നിലവിൽ നിയന്ത്രണവിധേയമാണെന്നും മുഖ്യമന്ത്രി വി. ഡി. സതീശൻ അറിയിച്ചു. പ്രളയക്കെടുതി നേരിടുന്നതിനായി പത്തനംതിട്ട ജില്ലയിൽ പ്രത്യേക സന്നാഹങ്ങൾ ഒരുക്കും. മുൻകരുതൽ നടപടികളുടെ ഭാഗമായി ദുരന്തനിവാരണ സെക്രട്ടറി യോഗം ചേർന്ന് സ്ഥിതിഗതികൾ വിലയിരുത്തിയിരുന്നു.
സംസ്ഥാനത്ത് മഴക്കെടുതിയിൽ ഇതുവരെ 15 പേർ മരണപ്പെടുകയും 7 പേരെ കാണാതാകുകയും ചെയ്തിട്ടുണ്ട്. ദുരിതബാധിതർക്കായി 316 ദുരിതാശ്വാസ ക്യാമ്പുകൾ തുറന്നു. കാലവർഷത്തിൽ 165 ഹെക്ടറിലെ കൃഷി നശിച്ചതായും കണക്കാക്കുന്നു. ഡാമുകളിൽ നിന്ന് വൻതോതിൽ വെള്ളമൊഴുക്കുന്നു എന്ന രീതിയിൽ പ്രചരിക്കുന്ന വാർത്തകൾ വ്യാജമാണെന്നും, ഇത്തരം പ്രചാരണങ്ങൾ നടത്തുന്നവർക്കെതിരെ ശക്തമായ നിയമനടപടി സ്വീകരിക്കുമെന്നും മുഖ്യമന്ത്രി വ്യക്തമാക്കി.
