ഡൽഹി: അഫ്ഗാനിസ്ഥാനെതിരായ ട്വന്റി-20 പരമ്പരയ്ക്കുള്ള ഇന്ത്യൻ ക്രിക്കറ്റ് ടീമിനെ ബിസിസിഐ പ്രഖ്യാപിച്ചു. മലയാളി വിക്കറ്റ് കീപ്പർ ബാറ്റർ സഞ്ജു സാംസൺ ടീമിലേക്ക് തിരിച്ചെത്തിയതാണ് പ്രധാന ആകരണം. പരിക്കിന്റെ പിടിയിലായിരുന്ന സ്റ്റാർ പേസർ ജസ്പ്രീത് ബുംറയും തിരിച്ചെത്തിയിട്ടുണ്ടെങ്കിലും അന്തിമ ഇലവനിൽ കളിക്കുന്നത് ഫിറ്റ്നസ് പരിശോധനയ്ക്ക് വിധേയമായിരിക്കും.
ശ്രേയസ് അയ്യർ നയിക്കുന്ന ടീമിന്റെ വൈസ് ക്യാപ്റ്റൻ തിലക് വർമ്മയാണ്. യുവതാരം വൈഭവ് സൂര്യവംശിക്കും ടീമിൽ ഇടം ലഭിച്ചിട്ടുണ്ട്. ബുംറയ്ക്ക് പുറമെ നിതീഷ് കുമാർ റെഡ്ഡി, വാഷിംഗ്ടൺ സുന്ദർ, ഹർഷിത് റാണ എന്നിവരും ഫിറ്റ്നസ് തെളിയിക്കേണ്ടതുണ്ട്.
അതേസമയം, പരിക്കിൽ നിന്ന് പൂർണമായി മോചിതനാകാത്തതിനാൽ ഓൾറൗണ്ടർ ഹാർദിക് പാണ്ഡ്യയെ ടീമിൽ ഉൾപ്പെടുത്തിയിട്ടില്ല. ട്വന്റി-20 ലോകകപ്പ് ഫൈനലിലാണ് ഹാർദിക് അവസാനമായി ഇന്ത്യക്കായി ജേഴ്സിയണിഞ്ഞത്. സഞ്ജുവിന്റെ സാന്നിധ്യം ഇന്ത്യൻ ബാറ്റിംഗ് നിരയ്ക്ക് കരുത്താകുമെന്നാണ് വിലയിരുത്തൽ.
