കാലിഫോർണിയ: സ്മാർട്ട്ഫോൺ വിപണിയിൽ ചരിത്രം കുറിച്ചുകൊണ്ട് തങ്ങളുടെ ആദ്യ മടക്കാവുന്ന (Foldables) ഫോൺ പുറത്തിറക്കി ആപ്പിൾ. ‘ഐഫോൺ ഡ്യുവോ’ (iPhone Duo) എന്ന് പേരിട്ടിരിക്കുന്ന ഈ ഫോൾഡബിൾ സ്മാർട്ട്ഫോൺ ആപ്പിൾ പാർക്കിൽ നടന്ന ‘സർപ്രൈസ് ആൻഡ് ഷൈൻ’ ചടങ്ങിലാണ് ആഗോളതലത്തിൽ അവതരിപ്പിച്ചത്. സാംസങ് ആദ്യ ഗാലക്സി ഫോൾഡ് ഫോൺ അവതരിപ്പിച്ച് ഏഴ് വർഷത്തിന് ശേഷമാണ് ആപ്പിൾ ഈ വിഭാഗത്തിലേക്ക് ചുവടുവെക്കുന്നത്.
പ്രധാന സവിശേഷതകൾ:
ഡിസ്പ്ലേ: 7.76 ഇഞ്ചിന്റെ പ്രൈമറി ഡിസ്പ്ലേയും 5.49 ഇഞ്ചിന്റെ കവർ ഡിസ്പ്ലേയും നൽകിയിരിക്കുന്നു.
പ്രോസസറും സോഫ്റ്റ്വെയറും: ആപ്പിളിന്റെ ഏറ്റവും പുതിയ എ20 പ്രോ (A20 Pro) ചിപ്സെറ്റാണ് ഇതിന്റെ കരുത്ത്. പ്രവർത്തനം iOS 27 അധിഷ്ഠിതമായാണ്.
ക്യാമറ: പിന്നിൽ 48 മെഗാപിക്സലിന്റെ രണ്ട് ക്യാമറകളും, കവർ ഡിസ്പ്ലേയിൽ 12 മെഗാപിക്സലിന്റെ സെൽഫി ക്യാമറയും ഉൾപ്പെടുത്തിയിട്ടുണ്ട്.
മെമ്മറിയും നിറങ്ങളും: 12 ജിബി റാമിൽ വരുന്ന ഫോൺ 256 ജിബി മുതൽ 2 ടിബി വരെയുള്ള സ്റ്റോറേജ് വേരിയന്റുകളിൽ ലഭ്യമാണ്. ‘സ്റ്റാർവൈറ്റ്’, ‘നൈറ്റി സ്കൈ’ എന്നീ ആകർഷകമായ നിറങ്ങളിലാണ് ഫോൺ എത്തുന്നത്.
ഇന്ത്യയിലെ വിലയും ലഭ്യതയും:
| വേരിയന്റ് (Stroage) | ഏകദേശ വില (INR) |
| 256 GB | ₹2,99,900 |
| 512 GB | ₹3,24,000 |
| 1 TB | ₹3,74,000 |
| 2 TB | ₹4,49,000 |
ഒക്ടോബർ 16 മുതൽ ഫോണിന്റെ പ്രീ-ഓർഡറുകൾ ആരംഭിക്കും. ഒക്ടോബർ 23 മുതൽ ഐഫോൺ ഡ്യുവോ വിപണിയിൽ ലഭ്യമായിത്തുടങ്ങും.
