തിരുവനന്തപുരം: ഇന്ധനവിലയും ജീവിതച്ചെലവുകളും ഉയർന്ന പശ്ചാത്തലത്തിൽ സംസ്ഥാനത്ത് ഓട്ടോറിക്ഷ നിരക്കുകൾ വർധിപ്പിക്കണമെന്ന് തൊഴിലാളി സംഘടനകൾ.
ഒന്നര കിലോമീറ്ററിനുള്ള മിനിമം ചാർജ് 30 രൂപയിൽ നിന്ന് 50 രൂപയായും, തുടർന്നുള്ള ഓരോ കിലോമീറ്ററിനും 15 രൂപയ്ക്ക് പകരം 25 രൂപയായും ഉയർത്തണമെന്നാണ് പ്രധാന ആവശ്യം. 2022 മേയിലാണ് സംസ്ഥാനത്ത് അവസാനം നിരക്ക് പരിഷ്കരിച്ചത്.
വെയിറ്റിംഗ് ചാർജ് 25 രൂപയാക്കുക, രാത്രികാല സർവീസുകൾക്ക് കൃത്യമായ റിട്ടേൺ ചാർജ് അനുവദിക്കുക തുടങ്ങിയ ആവശ്യങ്ങളും സർക്കാരിന് മുന്നിൽ ഉന്നയിച്ചിട്ടുണ്ട്.
