തിരുവനന്തപുരം: സംസ്ഥാനത്ത് നിലവിലുള്ള വൈദ്യുതി പ്രതിസന്ധിയും ലോഡ്ഷെഡിങ്ങും സർക്കാരിന്റെ വീഴ്ച മൂലമല്ലെന്ന് വൈദ്യുതി മന്ത്രി സണ്ണി ജോസഫ്.
നിലവിൽ നടന്നു കൊണ്ടിരിക്കുന്ന ഫുട്ബോൾ മത്സരങ്ങൾ കാണുന്ന ആരാധകരുടെ പ്രയാസം സർക്കാർ മനസ്സിലാക്കുന്നുവെന്നും, ഉഷ്ണതരംഗമാണ് നിലവിലെ വൈദ്യുതി പ്രതിസന്ധിക്ക് കാരണമെന്നും മന്ത്രി പറഞ്ഞു.
നിലവിലെ ഉഷ്ണതരംഗവും ജലസംഭരണികളിൽ വെള്ളം കുറഞ്ഞതും വലിയ പ്രതിസന്ധി സൃഷ്ടിക്കുന്നുണ്ട്. കൂടാതെ, നേരത്തെ വാങ്ങിയ വൈദ്യുതി തിരിച്ചു നൽകേണ്ടതുണ്ടെന്നതും പ്രതിസന്ധിയുടെ ആഴം കൂട്ടി.
വൈദ്യുത മീറ്റർ മാറ്റുന്നതുമായി ബന്ധപ്പെട്ട് അദാനിയുമായുള്ള കരാറിൽ ചട്ടവിരുദ്ധമായി എന്തെങ്കിലും ഉണ്ടോ എന്ന് സർക്കാർ പരിശോധിക്കുമെന്നും മന്ത്രി കൂട്ടിച്ചേർത്തു.
