തിരുവനന്തപുരം: മുൻ കേന്ദ്ര ക്യാബിനറ്റ് സെക്രട്ടറി കെ.എം. ചന്ദ്രശേഖർ ഉപാധ്യക്ഷനായി സംസ്ഥാന ആസൂത്രണ ബോർഡ് പുനഃസംഘടിപ്പിച്ചു. മുഖ്യമന്ത്രി അധ്യക്ഷനായ ബോർഡിൽ മന്ത്രിമാരായ പി.കെ. കുഞ്ഞാലിക്കുട്ടി, സണ്ണി ജോസഫ്, മോൻസ് ജോസഫ്, ഷിബു ബേബി ജോൺ, സി.പി. ജോൺ എന്നിവരാണ് മറ്റ് അംഗങ്ങൾ.
കേരള കേഡറിൽ നിന്നുള്ള 1970 ബാച്ച് ഉദ്യോഗസ്ഥനായ കെ.എം. ചന്ദ്രശേഖർ 2011-ലാണ് സർവീസിൽ നിന്ന് വിരമിച്ചത്. ഇതിനു മുൻപ് 2016 വരെ അഞ്ച് വർഷത്തോളം സംസ്ഥാന ആസൂത്രണ ബോർഡിന്റെ വൈസ് ചെയർമാനായി അദ്ദേഹം സേവനം അനുഷ്ഠിച്ചിട്ടുണ്ട്. കേന്ദ്ര സർക്കാരിന്റെ ധനകാര്യ മന്ത്രാലയത്തിൽ റവന്യൂ സെക്രട്ടറിയായും കേരള സർക്കാരിൽ ധനകാര്യ സെക്രട്ടറിയായും അദ്ദേഹം പ്രവർത്തിച്ചിട്ടുണ്ട്.
