കോഴിക്കോട്: സംസ്ഥാനത്ത് നിലനിൽക്കുന്ന കടുത്ത വൈദ്യുതി പ്രതിസന്ധിക്ക് കാരണം കൃത്യമായ മുന്നൊരുക്കങ്ങളും പ്ലാനിങ്ങും ഇല്ലാത്തതാണെന്ന് മുതിർന്ന സിപിഐ(എം) നേതാവ് കെ.കെ. ശൈലജ. പുതിയ സർക്കാർ അധികാരത്തിൽ വന്നിട്ട് അധികം നാളായില്ലെന്ന കാരണം പറഞ്ഞ് ഉത്തരവാദിത്തങ്ങളിൽ നിന്ന് ഒഴിഞ്ഞുമാറാനാകില്ലെന്നും ജനങ്ങളെ ബുദ്ധിമുട്ടിക്കുന്ന ഈ പ്രതിസന്ധി പരിഹരിക്കാൻ നടപടികൾ സ്വീകരിക്കണമെന്നും അവർ ആവശ്യപ്പെട്ടു.
അതോടൊപ്പം, പിണറായി വിജയനെതിരെ കേസെടുക്കണമെന്ന എൻഫോഴ്സ്മെന്റ് ഡയറക്ടറേറ്റിന്റെ (ഇഡി) ശുപാർശ കത്തുമായി ബന്ധപ്പെട്ട ചോദ്യങ്ങളോടും കെ.കെ. ശൈലജ പ്രതികരിച്ചു. രാഷ്ട്രീയ എതിരാളികളെ വേട്ടയാടുന്നതിനായി കേന്ദ്ര അന്വേഷണ ഏജൻസികളെ ആയുധമാക്കുന്നത് ജനാധിപത്യ സംവിധാനത്തിൽ അംഗീകരിക്കാൻ കഴിയില്ലെന്ന് അവർ വ്യക്തമാക്കി.
