വിഖ്യാത ഗായിക എസ്. ജാനകിയുടെ വിയോഗത്തിൽ ആദരാഞ്ജലികൾ അർപ്പിച്ച് നടൻ മോഹൻലാൽ. എല്ലാവരെയും സമഭാവനയോടെ മാത്രം കാണുന്ന, ശാന്തശീലയായ ഒരു അമ്മമനസ്സിന് ഉടമയായിരുന്നു ജാനകിയമ്മയെന്ന് മോഹൻലാൽ തന്റെ സോഷ്യൽ മീഡിയ കുറിപ്പിൽ അനുസ്മരിച്ചു.
തന്റെ സിനിമാ ജീവിതത്തിന്റെ തുടക്കം കുറിച്ച ആദ്യ ചിത്രമായ ‘മഞ്ഞിൽ വിരിഞ്ഞ പൂക്കളി’ലെ ഗാനങ്ങൾ ആലപിച്ച ഗായിക എന്ന നിലയിൽ ജാനകിയമ്മയോട് വാക്കുകൾക്ക് അതീതമായ കടപ്പാടാണ് തനിക്കുള്ളതെന്ന് മോഹൻലാൽ വ്യക്തമാക്കി. ജാനകിയമ്മയുടെ സ്വരമാധുരിയിൽ പിറന്ന ഒട്ടനവധി അനശ്വര ഗാനരംഗങ്ങളിൽ അഭിനയിക്കാൻ ഭാഗ്യം ലഭിച്ചതും അദ്ദേഹം ഓർത്തെടുത്തു.
മോഹൻലാലിന്റെ അരങ്ങേറ്റ ചിത്രമായ ‘മഞ്ഞിൽ വിരിഞ്ഞ പൂക്കൾ’ എന്ന സിനിമയിലെ ഗാനങ്ങൾ ഇന്നും മലയാളി നെഞ്ചിലേറ്റുന്നവയാണ്. ജെറി അമൽദേവിന്റെ സംഗീത സംവിധാനത്തിൽ പിറന്ന, മലയാളികൾ ഒരിക്കലും മറക്കാത്ത രണ്ട് പ്രണയഗാനങ്ങൾക്ക് അന്ന് ജീവൻ നൽകിയത് ജാനകിയമ്മയായിരുന്നു.
