കൽപ്പറ്റ: കള്ളാടി തുരങ്കപാത നിർമാണ പ്രദേശത്തുണ്ടായ വൻ മണ്ണിടിച്ചിൽ പ്രദേശം സന്ദർശിക്കാനായി വയനാട് എംപി പ്രിയങ്ക ഗാന്ധി വെള്ളിയാഴ്ച ജില്ലയിലെത്തും. ദുരന്തസ്ഥലം നേരിട്ട് വിലയിരുത്തുന്നതിനൊപ്പം അപകടത്തിൽ പരിക്കേറ്റ് ചികിത്സയിൽ കഴിയുന്നവരെയും പ്രിയങ്ക സന്ദർശിക്കും.
ഈ മാസം ഏഴിനാണ് കള്ളാടിയിൽ തുരങ്കപാത നിർമാണം നടക്കുന്നതിനിടെ കൂറ്റൻ മണ്ണിടിഞ്ഞുവീണ് എട്ടുപേർ മരണപ്പെട്ടത്. ദുരന്തം നടന്ന് ദിവസങ്ങൾ പിന്നിട്ടിട്ടും പ്രിയങ്ക ഗാന്ധി സ്ഥലം സന്ദർശിക്കാതിരുന്നതിനെതിരെ പ്രതിപക്ഷ പാർട്ടികൾ ശക്തമായ വിമർശനം ഉന്നയിച്ചിരുന്നു. ഇതിന് പിന്നാലെയാണ് എംപിയുടെ സന്ദർശനം സ്ഥിരീകരിച്ചത്.
