തിരുവനന്തപുരം: ഹെലികോപ്റ്റർ യാത്രയുമായി ബന്ധപ്പെട്ട് നിലനിൽക്കുന്ന വിവാദങ്ങളിൽ രൂക്ഷമായ വിമർശനവുമായി സി.പി.ഐ.എം സംസ്ഥാന സെക്രട്ടറി എം.വി. ഗോവിന്ദൻ രംഗത്ത്. ഒരു കളവ് പറയാതെ സമാധാനം കിട്ടാത്ത ആളാണ് മുഖ്യമന്ത്രിയെന്ന് അദ്ദേഹം വാർത്താസമ്മേളനത്തിൽ ആരോപിച്ചു.
പേര് വെളിപ്പെടുത്താൻ കഴിയില്ലെന്നു പറയുന്ന ഏതോ നിക്ഷേപകനെ കാണാനാണ് ഹെലികോപ്റ്ററിൽ പോയതെന്നാണ് ഇപ്പോൾ നൽകുന്ന വിശദീകരണം. എന്നാൽ ഭാര്യാപിതാവിനെ കാണാനാണ് മുഖ്യമന്ത്രി സർക്കാർ ഹെലികോപ്റ്റർ ദുരുപയോഗം ചെയ്തതെന്ന് റിപ്പോർട്ട് ചെയ്തത് മാധ്യമങ്ങൾ തന്നെയാണ്.
പുറത്തു പറയാൻ പറ്റാത്ത ഏതുതരം ഡീലിലാണ് ഇത്തരത്തിൽ ഹെലികോപ്റ്ററിൽ പോയതെന്ന് വ്യക്തമാക്കാൻ മുഖ്യമന്ത്രി തയ്യാറാകുന്നില്ലെന്ന് എം.വി. ഗോവിന്ദൻ കുറ്റപ്പെടുത്തി. മുൻപ് ഹെലികോപ്റ്റർ വാടകയ്ക്ക എടുത്ത സമയത്ത് ഇല്ലാത്ത കഥകൾ ചമച്ചുണ്ടാക്കിയവരാണ് ഇപ്പോൾ പുതിയ കഥകളുമായി ജനങ്ങളെ തെറ്റിദ്ധരിപ്പിക്കാൻ ഇറങ്ങിയിരിക്കുന്നതെന്നും അദ്ദേഹം കൂട്ടിച്ചേർത്തു.
