ടോക്കിയോ: ഏഷ്യൻ ഗെയിംസ് ഷൂട്ടിംഗിൽ ചരിത്രനേട്ടവുമായി മലയാളി താരം വിദർശ കെ. വിനോദ്. 10 മീറ്റർ എയർ റൈഫിൾ ടീം ഇനത്തിലാണ് വിദർശ വെള്ളി മെഡൽ കരസ്ഥമാക്കിയത്. ഇതോടെ ഏഷ്യൻ ഗെയിംസ് ഷൂട്ടിംഗിൽ മെഡൽ നേടുന്ന ആദ്യ മലയാളി എന്ന അപൂർവ നേട്ടത്തിനും താരം അർഹയായി. കോഴിക്കോട് തിരുവമ്പാടി സ്വദേശിയാണ് വിദർശ.
വിദർശ ഉൾപ്പെടുന്ന മൂന്നംഗ ഇന്ത്യൻ ടീമാണ് രാജ്യത്തിനായി വെള്ളി മെഡൽ വെടിവെച്ചിട്ടത്. തന്റെ കന്നി ഏഷ്യൻ ഗെയിംസിൽ തന്നെ മെഡൽ നേടാനായതിന്റെ സന്തോഷം വിദർശ പങ്കുവെച്ചു. കുടുംബത്തിന്റെയും കോച്ചിന്റെയും പൂർണ്ണ പിന്തുണയാണ് ഈ ചരിത്രനേട്ടത്തിന് പിന്നിലെന്ന് താരം പറഞ്ഞു.
50 മീറ്റർ റൈഫിൾ ഇനത്തിലും വിദർശ വരും ദിവസങ്ങളിൽ മത്സരിക്കുന്നുണ്ട്. ആദ്യ ഇനത്തിൽ നേടിയ വെള്ളി മെഡൽ വൻ ആത്മവിശ്വാസം നൽകുന്നുണ്ടെന്നും താരം വ്യക്തമാക്കി.
